三個星期時間， 康田苑裝修。
新客戶， 一早約定我時間 ， 沿途中，大家用whatsapp溝通先 ， 由於新客戶不像其他網友(冇禮貌果D， 以為 市道差俾生意我做就好像好巴閉 ，此客人一開始好有禮貌，所以對佢較為留心一點 ， 所以當日期接近 ， 我們能夠愉快地合作。
5月19日收樓， 申請裝修証5月21號生效，5月20日正式入門開工。
同屋主在互信下(首次見面)，大家好爽快地完成溝通開波，由於我的廚櫃是左大陸工廠訂造傢俬，在18號晚，上去看完地方，我得三星期，步伐一定要快， 在未收取任何費用 ，我即刻出草圖廚櫃給客人及工廠出施工圖，
高師傅在沒人教授下，自己亂劃，希望大家勿笑。
除了拆換廚櫃外，也新造一度吊趟門。旺角訂造門，多要三星期，有嗎個半月也試過，唯有求下內地朋友幫手。。
---—---------------------
5月20日正式工作
5月20日 由於裝修證件仍未發出 ，自己偷雞上去 ，先做一日沒有任何聲響嘅工作先 ， 所以一啲長型嘅工具 例如梯 坑板 都要等20號21號先至搬上去 拆下兩度門，
康田苑剷底批灰油油
梯同埋工具未到，只有做方便手到位先
廁所拆走浴屏及地櫃
21號
油漆工程進埸。
，
牆壁電位同埋天花做打士波令
由於22號星期六，為免打鑿聲響影響隔離鄰居，就留返星期一，一次過做。
由於廚櫃我包埋石面，
跟客商量請用我大陸老友工廠提供石材，工廠非常配合，即時速遞石材樣本順豐到香港，客人看後也確定這石面定為廚櫃枱面石。
更換坐廁跟客人到旺角騰達公司購買
選擇不合座廁有陣時安裝上都會有小問題出現，雖然都會解決，其實裝得好唔好就係取決於坐廁選擇是否配合得到。。
而且騰達老友記畀了兩個資料，我星期一返去現場看位置再決定。
客人確定咗防甲醛油漆顏色
有人說時間上係咪真實，
就攞一個師傅嘅手機作實。。。
高師傅喜歡用立邦淨味批牆灰，貴係貴D，但我喜歡貨真價實交貨。。。
客房油漆鏟底開始
竟然有兩層油漆
星期六不可以嘈音工作，只有默默做油漆工程。
康田苑裝修訂造廚櫃
客戶也選擇好廚櫃色澤
得三星期，我不停迫工廠即刻出施工圖，也算是排隊一種方式，施工圖當然要覆尺。
5月24日
主人房批第二層灰
上星期六煤氣公司說地台漏煤氣，一係打拆地台，否則無得用煤氣。。。
那就煩擾了。
康田苑鋼筋生鏽處理
慢慢省令鋼筋，去生鏽處理。
客房背是廁所，樓上漏水落嚟導致。
客廳嘅牆身也發現有，麻煩比想像中多，只有努力工作完成。
5月25日原本已約打拆好兄弟班，可惜他們前一日工程趕不起，(找人入行太難，缺乏好嘅師兄)，兄弟要星期四來，最後我決定自己落手去打拆，怕耽誤時間，其實也是好事，因為我自己不會打傷來水喉。
臨時臨急，缺乏耳塞眼罩口罩，不理了，時間不等人了。油漆底都好多問題要處理又要幫油漆師傅找炮仔打牆身，忙，累，急。。。。但。。。有部份地方有兩層磚，妖。。。粗口也來了，六合彩又不見我中。努力打。。。
康田苑天花油漆太差，需要打走深層，
有D小數師傅，覺得不夠成本，偷工，有D師傅覺得問題不大，照樣批灰油，但經過我手上，就不能這樣求其，蝕本都要做。
同事開始落批灰角
走廊牆角傾斜度跑出嚟，五行欠打，又打？！要靚就要做。
明天5月26日，雖然才工作五天，但我想更快。。又不偷雞。。。努力。。
同事也不好受。。。吃力工作
真係好辛苦，足足打了三日廁所瓦仔，裝備又不夠，又熱，36度天氣又困籠位無風，為了趕時間，無計，只有做。
清泥頭公司今日先至做到，客廳卒之有位做嘢啦。。
今次工程拍檔真係好努力盡量密密手做，由於打拆了坐廁，基本連去廁所時間都無。
除了此客，也不少新客叫報價，但功力有限，有好多都冇接到，希望你可以找到好師傅幫手。
5月29日啦。。。要快馬加鞭，
5月31日泥水師傅入埸，廁所英泥沙批底，藍田五金用品絕對貴及不齊全，有点麻煩，所以一大清早要去到旺角購買泥水師傅用品送到現場候用。
客廳地磚仍然保留，泥水師傅只可以喺地方狹窄地方撈英泥沙，辛苦了。
泥水師傅搏，我和一油漆師傅也搏命批灰，另外同一時間我也拿起炮仔和一個師傅就搏命打電掣位，我完全逼出佢哋嘅快捷去工作。
客戶自購嘅窗口冷氣機，誰不知客人叫我們裝埋，以為買機會包安裝添，
全屋電制箱已打曬。。。
明天是6月1日進入緊張時間了。
更換企缸隔器
現在要搵呢種企缸銅做嘅隔氣
係非常之困難，由於要盡快做好隔氣先令泥水師傅順暢起貨，提早五點鐘收工出去找尋，由深水埗行到去佐敦，都搵唔到呢種企缸銅做嘅隔氣，有D鋪頭收六点，俾以前早收了。
唯有明天一早去找買，(好多五金店也俾錯另一種浴缸隔氣我買。)
佐敦行到去旺角才找到。
我們自己做咗一次用馬貝防水料
我們自己做咗一次用馬貝防水料打底先，
牆身地台企缸一共三隻磚料
為怕明天泥水師傅到場不能夠開工，防水料不乾便麻煩，收工後用無線電風扇直接吹地下，風扇吹幾個鐘頭對明天干有好大幫助。
6月3日
〈打仗的一天〉
泥水師傅未做完，已給同事清理垃圾，因為原本約定6月4日嚟清泥頭，清泥頭公司因工作太多，迫不得已改喺6月3日下午，否則冇時間來，我哋一步也不能遲，同事上午已經準備清場，泥水師傅也笑說，兩大師傅才做三天，都未試過畀人逼時間迫到咁，大家也笑了。
下午三點鐘泥水師傅掃口粉亦都搞掂埋，泥頭公司到達現場清走垃圾。
開始另一個工作，更換冷氣機
已64了。
6月5日工作最後一層批灰完成
星期一可以省灰了。。
開始追工廠，廚櫃，吊趟門，浴屏。。。
先前巳陪客戶到旺角選擇看了坐廁ROCA及 TOTO
6月7日
(進行油上防甲醛表面油漆+防霉防菌藥劑)
添加防霉防菌藥劑，我哋沿用嘅技術，
以前我哋做將軍澳的天花都唔會發黑。靠此葯劑。
6月7日(開夜趕工)
時間得一星期，真的好趕。
做到夜晚十点才收工。。
6月8日
又一天搏命地做
拍檔收工，第二天自己捱肚餓開夜，好趕，真係好趕，重有幾天咋。。。
6月9日(開夜趕油漆+安裝+執漏)
執油漆師傅問題，貼紙仔方便明天處理
又做到10点。。
又一天，6月11日兩拍檔忽然有事同日返不來，靠自己努力起貨。
安裝坐厠前必須先在後面，必須搵使用漒水清走污漬
房燈安裝好，但係由於淘寶返來， 跟住就有出現問題啦
安裝企缸水龍頭， 好多人會使用水龍頭容易刮花，師傅手粗粗，必須作出保護
安裝客戶自購宜家傢俬廁所櫃，
但係一樣有問題出現。
安裝坐廁， 最好砸水過夜， 免得心急安裝後，滲漏仲麻煩。
客戶淘寶電制卒之6月11日晚到咗我手上。
做到晚上 十一點半， 感謝屋主 晚餐及飲品 加油，晚上竟然打一號風球，非常坦心廚櫃來不了香港，而阻礙起貨，基本合約是定於6月15日晚，但可惜工廠地區有 新冠肺炎， 正所有事情困難起來，例如出廠，貨運出車等等
6月12日
拍檔回來齊齊努力去做。
6月13日
6月13日趕工，端午節也要偷雞開工。
幾日趕工程 ，趕工程，未做起功課，遲啲補番資料入嚟。
六月十六號夜晚正式起貨。
自己最後一星期，日日由早上工作直到晚上十一点才收工，連假期也開工，但也遲咗一日起貨， 雖然中途好多問題出現，但係咁努力咁多，也遲了一日起貨，(當然屋主臨埸有D問題出現，大家時間上也難控制，好像 屋主搬屋，釣好9點鐘，點知去到下晝先至搬屋過嚟，浪費屋主執拾時間。)
7月16日
起貨後，例牌一個月後回去覆檢裝修小問題及幫助屋主安裝物品。
有掛牆電視機架(免費)
康田苑裝修入伙後定期檢查
後加洗衣機頂石面(增加放置電器空間)
沒有留言:
發佈留言