日出康城Grand Marini 第二座
訂造走廊不銹鋼龍門框+油漆服務
今天上午去度尺， 同屋主詳細研究安裝出嚟嘅效果。
一星期後返嚟安裝
度尺日畀咗幾件不同款式拉絲鋼畀客人選擇，他們選擇呢一隻。但係客人想多一個要求， 希望拉絲鋼可以防手指紋。
由於高師傅一向同大陸攞開貨，但疫情期間，唯有去香港熟悉嘅鋪頭訂貨， 查問防手指印拉絲鋼幾多錢？ 一片四乘八呎$3800, 未計工序錢， 價格較為貴了， 最後高師傅另一個途徑找來防手指紋， 由於現場現場有特別要求，所以製作過程較為複雜， 又碰高師父電腦壞了， 唯有手畫圖， 都已經十年冇試過手畫圖。
相約客人過一天拿物料給他選擇。
客人選擇後
防指紋香檳金拉絲不銹鋼
高師父害怕將軍澳潮濕，普通木板容易惹蟲，選用焗油木材打底， 雖然都係木，但係有一層油漆在木面保護效果會好啲！
新加工程全屋油漆服務
屋主一早已經搵咗傢俬公司幫佢訂製傢俬，後來認識到我，所以現在油漆交畀我做，同屋主研究過溝通下，大家作以下選擇嘅顏色出咗嚟。
一日之內油漆七種唔同嘅顏色，其實都有啲麻煩， 每一隻顏色油完之後，都 要洗乾淨油掃及油漆桶先至可以油其他顏色， 以前自己長工師傅就會叫我買三四個油掃， 諗起都白痴嘅，使鬼咁做。
一個房間 除咗天花白 ，油多咗兩種顏色，就最好油上一轉睇睇，顏色在光暗影之後有唔同嘅發揮表現 ，喺暗嘅適合你還是光度足夠嘅顏色適合你，所以最好都係 實際油出嚟，仲要由油三浸先至確保同素原色。 我有啲師弟貪快搵個細油掃油一小塊一畀客人睇， 當真係油上三種顏色， 顏色 當然會深閏咗 ，客人收貨時候 ，和原先看嘅感覺完全不大相同 ，最後又出事吵架！
工廠兩日排隊完成製作防指紋拉絲鋼， 剛剛又碰著三天假期， 過多兩日後再到香港。
未封關前高師傅必定跑上大陸自己覆一次尺寸才運輸到香港，不過依家疫情關係，唯有將呢個責任交畀工廠，但係我都要需要承受出錯風險， 唯一方法就係不厭其煩叫工廠 復原尺有再覆尺， 有陣時工廠都嫌我囉嗦， 但係唔想浪費時間及金錢，就必須這樣做法！
屋主水電師傅打坑，令我停工十日嘅時間， 高師傅現在不喜歡接多單工程在身，所以坐喺度等他水電師夫完成我才回來工作！
我的額外工作，需要現場抹乾淨牆身因為打坑形成嘅塵埃 ，全屋拖地清潔， 如果不清潔塵埃，容易油上新油形成一點點。
返去繼續油漆，做唔夠一日，突然間屋主嘅傢俬公司需要插落嚟先安裝好做趟門，我唯有又退後一步畀人先做嘢啦
原本報價畀屋主係表面翻改油漆，
由於佢嘅傢俬公司拖延，屋主要自己找水電師傅打電掣位，
其實水電師傅已經努力做好自己手尾， 其實師傅手尾都算都好，但係遇著我奄尖王，當然好多挑剔， 因為我都叫屋主通知水電師傅打完坑，不用執英泥灰或者執順牆灰，等我來，可惜電師傅(忠)於自己工作， 但係都有凹凹凸凸， 令我更浪費時間去執。
頭房顏色
主人房油漆完成
龍門框幾日後到達現場，網上仍有公司說運輸貴，又話要好耐，我無出現此問題，一切和以前一樣暢順
由於青銅金配牆身色要有特別連鎖效應，所以和屋主聊咗幾個鐘才決定到， 我專登走廊使用返白色油漆，令人看完青金色，再到走廊回覆白色，除了令走廊光猛不幽暗，宜且可以逐漸走入房間看第二種顏色 ，也不會太過眼花繚亂 ，效果大家都很喜歡。
顏色配搭很重要！
現場看，效果靚過相片。客人一家大細也非常喜歡。
whatsapp查詢61752468
沒有留言:
發佈留言